یوروپول کا کریک ڈائون،اطالوی جرائم پیشہ گروہ کے 100 سے زائد افراد گرفتار

روم(مانیٹرنگ ڈیسک، انٹر نیوز)یوروپول نے اطالوی جرائم پیشہ گروپ کے خلاف کریک ڈائون کرتے ہوئے100 سے زائد افراد کوگرفتار کر کے ان کو جیل یاترا پر بھیج دیا ہے۔

انٹرنیشنل میڈیا کے مطابق گرفتار افراد پر منشیات اور ہتھیاروں کی سمگلنگ میں ملوث ہونے کا شبہ ہے۔ گروپ کا نیٹ ورک جنوبی امریکا سے یورپ و آسٹریلیا تک منشیات سمگلنگ کرتا تھا۔ اطالوی گروپ پاکستان سے جنوبی امریکہ تک ہتھیاروں کی سپلائی میں بھی ملوث تھا۔ یہ ہتھیار کوکین کے بدلے میں برازیل کے جرائم پیشہ گروپ کو دیئے جاتے تھے۔ اٹلی کا جرائم پیشہ گروپ درنگیٹا دنیا کے بڑے جرائم پیشہ نیٹ ورکس میں سے ایک ہے۔