رواں سال کے دوران ڈکیتوں نے مزاحمت پر 100 افراد کی جان لے لی

کراچی (کھوج نیوز) رواں سال ڈکیتوں نے مزاحمت پر 100 افراد کی جان لے لی۔ رواں سال ڈکیتی مزاحمت پر اب تک 800 سے زائد افراد زخمی ہو چکے ہیں جبکہ ڈکیتی مزاحمت پر 7 پولیس اہلکار بھی شہید ہوئے ہیں۔ سٹیزن پولیس لائژن کمیٹی (سی پی ایل سی) کے مطابق اس سال شہریوں سے اب تک 15 ہزار سے زائد موبائل فون چھینے جا چکے ہیں جبکہ رواں سال 35 ہزار سے زائد موٹر سائیکلیں چوری اور چھینی گئیں۔

سی پی ایل سی کےمطابق شہر سےرواں سال 12 سو کےقریب گاڑیاں چوری اورچھینی گئیں، علاوہ ازیں اب تک مختلف واقعات میں 471 افراد کو قتل کیا گیا ہے۔ واضح رہےکہ گزشتہ رات بھی کراچی میں ڈکیتی میں مزاحمت پر ایک نوجوان کو قتل کردیا گیا تھا۔ سرجانی ٹاؤن میں تنخواہ لےکرگھرجانےوالے 2 بھائیوں کو ملزمان نے اسلحے کےزور پرلوٹ لیا تھا جبکہ موٹر سائیکل نہ دینے پرڈاکوؤں نےفائرنگ کر کے ایک بھائی کو قتل دوسرے کو زخمی کردیا تھا۔