پنجاب حکومت نے دفعہ 144 کے نفاذ کا اختیار کس کو سونپ دیئے؟ اصل حقائق سامنے آگئے

لاہور(کھوج نیوز) پنجاب حکومت نے دفعہ 144 کے اختیارات کس کو سونپ دیئے ہیں؟ اس حوالے سے اصل حقائق سامنے آئے ہیں جس سے ایک نئی بحث کا آغاز ہوگیا ہے۔

تفصیلات کے مطابق پنجاب اسمبلی سے قانونی مسودے کی منظوری کے بعد گزٹ نوٹیفکیشن جاری کردیا گیا۔ قانون کے مطابق ڈپٹی کمشنرز اپنے ضلع میں ضرورت کے مطابق 30 دن تک دفعہ 144 لگا سکیں گے۔ سیکرٹری داخلہ پنجاب کو 90 دن تک دفعہ 144 کے نفاذ کا اختیار دیا گیا ہے جبکہ 90 یوم سے زائد عرصہ کیلئے دفعہ 144 کے نفاذ کا اختیار کابینہ کے پاس ہوگا۔ نوٹیفکیشن کے مطابق حکومت پنجاب نے کوڈ آف کریمنل پروسیجر 1898 میں ترمیم کردی۔