پنڈی اور لاہور کے بعد اسلام آباد میں بھی تمام تعلیمی ادارے بند

اسلام آباد(کھوج نیوز) راولپنڈی اور لاہور کے بعد وفاقی دارالحکومت اسلام میں بھی کل سے 16دسمبر کو تعلیمی ادارے بند رکھنے کا اعلان کر دیا گیا ہے اس کا نوٹیفکیشن ڈپٹی کمشنر نے جاری کیا ہے۔

تفصیلات کے مطابق راولپنڈی اور لاہور کے بعد وفاقی دارالحکومت اسلام آباد میں بھی کل 16 دسمبرکو تعلیمی ادارے بند رکھنیکا اعلان کردیا گیا۔ڈپٹی کمشنر اسلام آباد عرفان نواز میمن نے نوٹیفکیشن جاری کردیا ہے۔ نوٹیفکیشن کے مطابق اسلام آباد میں تمام نجی اور سرکاری اسکول وکالج 16 دسمبر کو بند رہیں گے۔ دوسری جانب ضلع راولپنڈی میں بھی کل16 دسمبرکو تمام تعلیمی ادارے بند رہیں گے۔ ڈپٹی کمشنرحسن وقار چیمہ نے نوٹیفکیشن جاری کردیا ہے۔ نوٹیفکیشن کے مطابق کل ضلع کے تمام نجی اور سرکاری اسکول وکالج بند رہیں گے۔ اس کے علاوہ لاہورضلع میں بھی نجی و سرکاری اسکولوں اور کالجز میں کل چھٹی کا اعلان کیا گیا ہے۔ ڈپٹی کمشنر لاہور سید موسی رضا نے چھٹی کے حوالے سے نوٹیفکیشن جاری کیا ہے جس کے مطابق لاہور ضلع کے تمام نجی و سرکاری اسکول اور کالج کل بند رہیں گے۔