خاتون کو نوکری کا جھانسہ دے کر زیادتی کرنے والا شخص گرفتار

لاہور(کھوج نیوز)لاہور میں خاتون نے نیازی اڈہ کے قریب سے15 ایمرجنسی ہیلپ لائن پر کال کی تھی۔خاتون نے بتایا کہ وہ قصور کی رہائشی ہے اور نوکری کی تلاش میں لاہور آئی تھی۔عمران نامی شخص نے نوکری کا جھانسہ دے کراپنے دفتر بلایا اور زبردستی کی۔پولیس کا کہنا ہے کہ ورچوئل ویمن پولیس اسٹیشن نے فوری کارروائی کرتے ہوئے پولیس کو موقع پر بھجوایااور سیف سٹی کی جدید ٹیکنالوجی سے ملزم کی تلاش اور نشاندہی کی گئی اور بروقت کارروائی کرتے ہوئے پولیس نے ملزم کو گرفتار کر دیا۔

پولیس حکام کا کہنا ہے کہ خواتین نوکری کے لیے انٹرویو پر جاتے وقت کسی مرد سرپرست کو ساتھ لے کرجائیں۔ترجمان کا کہنا ہے کہ خواتین غیر محفوظ محسوس کریں تو فوری طور پر 15 پر کال کرکے 2 دبائیں۔خواتین ویمن سیفٹی ایپ کے ذریعے بھی ورچوئل ویمن پولیس اسٹیشن سے رابطہ کر سکتی ہیں۔