کراچی (کھوج نیوز) ملک بھر میں بڑھتے ہوئے جرائم سے عوام کسی صورت بھی محفوظ نہیں ہے ، کراچی کے علاقہ ملیر کورٹ میں ڈاکوئوں نے انت مچا دی اور جنرل سٹور کو بھی نہ چھوڑا۔
تفصیلات کے مطابق ملیر کورٹ کے پاس موجود جنرل اسٹور میں ڈاکوؤں کی لوٹ مار کی ویڈیو بھی سامنے آئی ہے۔ ویڈیو میں 3 ڈاکوؤں کو دکان میں داخل ہوتے دیکھاجاسکتا ہے جو اسلحہ کے زور پر نقدی اور سامان لوٹ کر فرار ہوئے۔ پولیس کا کہنا ہے کہ ڈاکوؤں نے چہرے ڈھانپ رکھے تھے مگر اس واقعے کی تحقیقات جاری ہیں۔
