چکوال (کھوج نیوز) چکوال میں خوفناک ٹریفک حادثہ پیش آیا، جس میں مسافر بس کھائی میں گرنے سے 5افراد جاں بحق ہو گئے ہیں جبکہ متعدد افراد زخمی بھی ہوئے ہیں جن کو اسپتال منتقل کر دیا گیا ہے۔
تفصیلات کے مطابق ریسکیو حکام کا کہنا ہے کہ یہ واقعہ چکوال کے علاقے تلہ گنگ میں پیش آیا جہاں مسافروں سے بھری بس کھائی میں جاگری۔ ریسکیو حکام نے بتایا کہ بس اسلام آباد سے کراچی جا رہی تھی، حادثہ جی ٹی روڈ پر ڈھوک پٹھان کے قریب پیش آیا۔ ریسکیو حکام کے مطابق حادثے کے نتیجے میں 5 افراد جاں بحق اور 27 زخمی ہوئے، واقعے کی اطلاع ملتے ہی لاشوں اور زخمیوں کو اسپتال منتقل کردیا گیا، زخمیوں میں 7 خواتین بھی شامل ہیں۔
