گردوں کی غیر قانونی پیوند کاری کا بڑا نیٹ ورک بے نقاب

لاہور(کھوج نیوز) پنجاب میں گردوں کی غیر قانونی پیوند کاری کا نیٹ ورک بے نقاب ہوگیا ہے ‘ فیصل آباد روڈ پر نجی اسپتال میں گردے کی غیرقانونی پیوندکاری کی جارہی تھی۔

تفصیلات کے مطابق ترجمان پنجاب ہیومن آرگن ٹرانسپلانٹیشن اتھارٹی نے بتایا ہے کہ شیخوپورہ سے گردوں کی غیر قانونی پیوندکاری میں ملوث گروہ گرفتار کرلیا گیا۔ ترجمان کے مطابق فیصل آباد روڈ پر نجی اسپتال میں گردے کی غیرقانونی پیوندکاری کی جارہی تھی۔ اسپتال سے ڈاکٹر اور دو خواتین سمیت8 افرادکوگرفتارکیا گیا، گرفتار افراد میں آپریشن تھیٹر ٹیکنیشنز، ایجنٹس اور معاون عملہ شامل ہے۔ ترجمان کے مطابق شیخوپورہ کے رہائشی شخص کا گردہ نکال کر افریقی شہری کو لگایا جا رہا تھا۔ ترجمان کا کہنا ہے کہ گردیکی غیرقانونی پیوندکاری کے گروہ نے 70 لاکھ روپے وصول کیے تھے،گردے کے ڈونر کو کوئی رقم ادا نہیں کی گئی تھی۔ ترجمان کے مطابق غیرقانونی پیوندکاری میں ملوث ملزمان کی گرفتاری کے لیے چھاپے مارے جارہے ہیں۔