انٹرنیشنل
ہانگ کانگ میں طوفانی بارشیں، معمول کی زندگی مفلوج، 140 سالہ ریکارڈ ٹوٹ گیا
ہانگ کانگ کی آبزرویٹری کے مطابق شہر میں جمعرات سے لے اب تک 158 ملی میٹرز سے زیادہ بارش ریکارڈ کی گئی ہے
ہانگ کانگ(مانیٹرنگ ڈیسک) ہانگ کانگ میں طوفانی بارشوں سے معمول کی زندگی مفلوج ہوگئی ، سڑکیں اور گلیاں تالاب بن گئیں جبکہ ہانگ کانگ میں بارشوں کا 140 سالہ ریکارڈ ٹوٹ گیا ۔
انٹرنیشنل میڈیا کے مطابق ہانگ کانگ میں بارشوں کا140 سالہ ریکارڈ ٹوٹ گیا۔ گنجان آبادی والے شہر کی سڑکیں اورگلیاں تالاب بن گئیں۔ شاپنگ مالز اور میٹرو اسٹیشنز پانی میں ڈوب گئے اور معمول کی زندگی مفلوج ہوگئی ہے۔ انتظامیہ نے طوفانی بارشوں اور سیلابی صورتحال کے باعث اسکولز بند کردئیے ہیں اور لوگوں کو گھروں میں رہنے کی ہدایت کی ہے۔ ہانگ کانگ کی آبزرویٹری کے مطابق شہر میں جمعرات سے لے اب تک 158 ملی میٹرز سے زیادہ بارش ریکارڈ کی گئی ہے۔ موسمیاتی بیورو نے انتہائی شدید بارشوں کے خطرے کے پیش نظر بلیک رین اسٹورم وارننگ جاری کردی ہے۔
