شمالی کوریا کا جوہری صلاحیت میں نیا کارنامہ، دشمنوں کے لئے خطرے کی گھنٹی بج گئی

پیانگ یانگ (مانیٹرنگ ڈیسک) شمالی کوریا کا جوہری صلاحیت میں نیا کارنامہ ، پہلی آبدوز متعارف کروانے پر دشمنوں کے لئے خطرے کی گھنٹی بج گئی ہے۔

انٹرنیشنل میڈیا کے مطابق آبدوز کی لانچنگ کی تقریب سے خطاب کرتے ہوئے شمالی کوریا کے سربراہ کم جونگ ان نے کہا ہے کہ موجودہ آبدوزوں کو بھی جوہری صلاحیت کی حامل آبدوزوں میں تبدیل کریں گے۔ انہوں نے کہا کہ یہ ایٹمی ہتھیاروں سے لیس آبدوز شمالی کوریا کی بحریہ میں اپنا جنگی زیر سمندر مشن انجام دے گی۔ انٹرنیشنل میڈیا کے مطابق کم جونگ ان نے بحریہ کو جوہری ہتھیاروں سے لیس اور زیر آب جہازوں کی منتقلی میں اضافے کو ترجیحی بنیادوں پر کرنے کی ہدایت کی ہے ۔ انٹرنیشنل میڈیا کے مطابق آبدوز نمبر 841 کو شمالی کوریا کی ایک تاریخی شخصیت کے نام پر ہیرو کِم کن اوک کا نام دیا گیا ہے۔ واضح رہے کہ اس سے قبل شمالی کوریا آبدوز کے ذریعے میزائل لانچ کرنے کا کامیاب تجربہ بھی کرچکا ہے ۔