نائٹ کلب میں آگ کیسے لگی؟ 11افراد کی موت کا ذمہ دار کون؟

سپین (مانیٹرنگ ڈیسک) سپین کے شہر مرسیا کے ایک نائٹ کلب میں آتشزدگی کے باعث کم از کم 11 افراد ہلاک جبکہ 4افراد زخمی ہو گئے ہیں ، ان ہلاک ہونے والے افراد کا ذمہ دار کون؟

انٹرنیشنل میڈیا کے مطابق پولیس نے ایکس (سابقہ ٹوئٹر)پر ایک بیان میں کہا ہے کہ حکام نائٹ کلب میں آتشزدگی کی تحقیقات کر رہے ہیں۔ ریسکیو حکام نے کہا ہے کہ ان کو مقامی وقت کے مطابق صبح چھ بجے دو منزلہ عمارت میں آگ لگنے کی اطلاع موصول ہوئی۔ پولیس ترجمان کے مطابق سنیچر کی رات کلب میں سالگرہ کی تقریب منعقد کی گئی تھی’ سالگرہ کے تمام شرکا ابھی تک نہیں ملے۔ پولیس ترجمان ڈیاگو سیرل نے مزید کہا کہ آگ کلب کے پہلی منزل پر لگی۔ حکام کا کہنا ہے کہ ریسکیو اہلکار نائٹ کلب میں آگ بجھانے کی کوشش کر رہے ہیں۔ مرسیا کے میئر نے تین دن سوگ کا اعلان کیا ہے۔ میئر جوز بیلستا نے کہا کہ 40 فائر فائٹرز اور 12 ایمرجنسی گاڑیوں نے امدادی سرگرمیوں میں حصہ لیا۔ 2017ء میں سپین کے جزیرے ٹیرائف کے نائٹ کلب میں فرش کے ٹوٹنے کی وجہ سے 40 افراد زخمی ہو گئے تھے۔ زخمیوں کا تعلق فرانس، برطانیہ، رومانیہ اور بیلجیئم سے تھا۔ اور 1990 میں سپین کے شمال مشرقی شہر زاراگوزا کے ایک نائٹ کلب میں آگ لگنے سے 43 افراد ہلاک ہو گئے تھے۔