انٹرنیشنل
افغان صوبے بغلان میں طوفانی بارشیں، جاں بحق افراد کی تعداد 60 ہو گئی
سیلاب سے متاثرہ اضلاع میں200 سے زائد افراد اپنے گھروں میں محصور 'جن کی مدد کیلئے ہیلی کاپٹرز بھی بھیجے گئے تھے مگر اندھیرے کی باعث ریسکیو آپریشن کامیاب نا ہوسکا
افغانستان (مانیٹرنگ ڈیسک) افغان صوبے بغلان میں طوفانی بارشوں کے بعد آنے والے سیلاب سے جاں بحق افراد کی تعداد60 ہوگئی جبکہ مزید ہلاکتوں میں اضافے کا خدشہ بھی ہے۔
انٹرنیشنل میڈیا کے مطابق افغانستان کے صوبے بغلان میں آنے والے سیلاب سے درجنوں افراد زخمی ہوئے ہیں جس سے ہلاکتوں میں مزید اضافے کا خدشہ ہے۔ افغان وزارت داخلہ کے ترجمان نے بتایا کہ سیلاب سے متاثرہ اضلاع میں200 سے زائد افراد اپنے گھروں میں محصور ہوچکے تھے جن کی مدد کیلئے ہیلی کاپٹرز بھی بھیجے گئے تھے مگر اندھیرے کی باعث ریسکیو آپریشن کامیاب نا ہوسکا۔ دوسری جانب افغان نیشنل ڈیزاسٹر رسپانس کے نمائندے کا بتانا ہے کہ صوبہ بغلان کے3اضلاع میں شدید بارشوں کے نتیجے میں سیلابی صورتحال کا سامنا ہے۔ افغان حکومت کا کہنا ہے کہ وہ سیلاب سے متاثرہ علاقوں میں لوگوں کی مدد کی کوششیں کررہے ہیں۔
