ٹرمپ کو صرف میں شکست دے سکتا ہوں؟ امریکی صدر بائیڈن کا بڑا دعوی

واشنگٹن(مانیٹرنگ ڈیسک) امریکی صدر جوبائیڈن نے بڑا دعویٰ کرتے ہوئے کہا ہے کہ آئندہ انتخابات میں ٹرمپ کو صرف میں شکست دے سکتا ہوں میرے علاوہ کوئی شکست نہیں دے سکتا۔

انٹرنیشنل میڈیا کے مطابق امریکی صدر جوبائیڈن نے کہا ہے کہ صدارتی مباحثے سے پہلے شدید بیمار تھا اس لئے کارکردگی متاثر ہوئی،الیکشن سے کوئی دستبردار نہیں کراسکتا۔صدارتی ڈیبیٹ کے بعد ان کا کہنا تھا کہ صدارتی مباحثے میں ٹرمپ کے بولنے کے دوران میرا مائیک بند تھا۔جوبائیڈن نے کہا کہ پہلے بھی ڈونلڈ ٹرمپ کو شکست دی، کسی بھی صدر سے زیادہ کام کیا ہے۔ان کا مزید کہنا تھا کہ الیکشن کی دوڑ سے باہر ہونے کی بات مکمل مسترد کرتا ہوں۔یاد رہے کہ گزشتہ ہفتے ریپبلکن امیدوار ڈونلڈ ٹرمپ کے ساتھ مباحثے میں جوبائیڈن کی کارکردگی بہتر نہ ہونے پر ڈیموکریٹک پارٹی میں خدشات بڑھ گئے ہیں کہ شاید جوبائیڈن دوسری مدت کے لیے فٹ نہیں ہوں گے، اس لیے ان سے دستبردار ہونے کا مطالبہ کیا جارہا ہے۔علاوہ ازیں دنیا بھر میں بھی ماہرین اس صدارتی مباحثے میں جوبائیڈن کی کارکردگی کو مایوس کن قرار دیتے ہوئے نظر آئے تھے۔