یوکرینی قوم پرست سابق رکن پارلیمان کو قتل کیوں کیا گیا؟ اصل مقاصد سامنے آگئے
60 سالہ پروفیسر کو ٹارگٹ کر کے قتل کیا گیا تاہم واقعے کی ہر پہلو سے تحقیقات کی جا رہی ہیں' یوکرینی پولیس نے خدشہ ظاہر کر کے سب کو حیران کر دیا
یوکرین(مانیٹرنگ ڈیسک) یوکرینی قوم پرست سابق رکن پارلیمان ارینا فاریون کو قتل کیوں کیا گیا ؟ اس حوالے سے قتل کرنے والوں کے اصل مقاصد منظر عام پر آگئے ہیں ۔
انٹرنیشنل میڈیا رپورٹ کے مطابق ارینا فاریون کو یوکرین کے مغربی شہر لیویو میں فائرنگ کر کے قتل کیا گیا۔ ارینا فاریون 2023ء میں اس وقت خبروں کی زینت بنی تھیں جب انہوں نے ایک بیان میں کہا تھا کہ حقیقی معنوں میں یوکرینی قوم پرستوں کو کسی بھی قسم کی صورتحال میں روسی زبان نہیں بولنی چاہیے۔
پولیس کا کہنا ہے کہ سابق رکن پارلیمان کے قاتل کی نشاندہی نہیں ہو سکی کیونکہ جس وقت یہ واقعہ رونما ہوا تو اس وقت علاقے میں بجلی کی فراہمی معطل تھی جس کی وجہ سے سی سی ٹی وی کیمرے کام نہیں کر رہے تھے۔ پولیس کی جانب سے خدشہ ظاہر کیا جا رہا ہے کہ60 سالہ پروفیسر کو ٹارگٹ کر کے قتل کیا گیا تاہم واقعے کی ہر پہلو سے تحقیقات کی جا رہی ہیں۔
