بنگلہ دیشی تارکین وطن کو 10 سال سےعمر قید کی سزائیں،متحدہ عرب امارات نے احتجاج کرنے والوں کو لگام ڈال دی
متحدہ عرب امارات نے جو ایسا خلیجی ملک ہے جہاں مظاہروں پر پابندی ہے 57 بنگلہ دیشی تارکین وطن کو اپنی حکومت کے خلاف احتجاج کرنے پر طویل قید کی سزائیں سنائی ہیں
ابوظہبی(ویب ڈیسک)بنگلہ دیشی تارکین وطن کو 10 سال سےعمر قید کی سزائیں،متحدہ عرب امارات نے احتجاج کرنے والوں کو لگام ڈال دی۔رپورٹس کے مطابق متحدہ عرب امارات نے جو ایسا خلیجی ملک ہے جہاں مظاہروں پر پابندی ہے 57 بنگلہ دیشی تارکین وطن کو اپنی حکومت کے خلاف احتجاج کرنے پر طویل قید کی سزائیں سنائی ہیں۔ امارات کی سرکاری خبر رساں ایجنسی نےکہا کہ مبینہ مظاہروں میں حصہ لینے پر تین بنگلہ دیشی تارکین وطن کو عمر قید، دیگر 53 کو 10 سال قید اور ایک کو 11 سال قید کی سزا سنائی گئی۔
میڈیا رپورٹس کے مطابق ملزمان نےمتحدہ عرب امارات کی کئی سڑکوں پر جمع ہو کرفسادات بھڑکا دیے تھے”، اس نے مزید بتایا ہے کہ انہیں قید کی مدت پوری ہونے کے بعد ملک بدر کر دیا جائےگا۔ امارات کی سرکاری خبر رساں ایجنسی کے مطابق، یہ الزامات ایک تیز رفتار تحقیقات کے بعد عائد کیے گئے، جس کا حکم جمعہ کو دیا گیا تھا۔
ایک گواہ نے اس بات کی تصدیق کی کہ مدعا علیہان نے بنگلہ دیشی حکومت کے فیصلوں کے خلاف احتجاج میں متحدہ عرب امارات کی کئی سڑکوں پر بڑے پیمانے پر مارچ کا اجتماع کیا اور انہیں منظم کیا۔
