ایرانی نو منتخب صدر مسعود پزشکیان نے عہدے کا حلف اٹھا لیا
ایران معاشی، سائنسی اور ٹیکنالوجی کے شعبوں میں علاقائی سطح پر اولین طاقت بننا چاہتا ہے' دنیا کو علاقائی اور عالمی مسائل کے حل کے منفرد موقع سے فائدہ اٹھانا چاہیے
ایران(مانیٹرنگ ڈیسک) ایران کے نومنتخب صدر مسعود پزشکیان نے عہدے کا حلف اٹھا لیا’ ایران کے چیف جسٹس نے مجلس شوری اسلام میں صدر پزشکیان سے ان کے عہدے کاحلف لیا۔
انٹرنیشنل میڈیا کے مطابق مجلس شوری اسلامی میں ہونے والی حلف برداری کی تقریب میں اعلی سیاسی، دفاعی رہنماں نے شرکت کی۔ اس کے علاوہ مختلف ممالک کے سربراہان مملکت، وفود بھی شریک ہوئے۔ تقریب حلف برداری میں پاکستان کے نائب وزیراعظم و وزیرخارجہ اسحاق ڈار نے بھی خصوصی شرکت کی۔
ایرانی صدر نے کہا کہ ایران معاشی، سائنسی اور ٹیکنالوجی کے شعبوں میں علاقائی سطح پر اولین طاقت بننا چاہتا ہے۔ انہوں نے کہا کہ دنیا کو علاقائی اور عالمی مسائل کے حل کے منفرد موقع سے فائدہ اٹھانا چاہیے، طاقتور،امن کے متلاشی اور باوقار ایران کی شرکت سے ان مسائل کو حل کیا جاسکتا ہے۔ ایرانی صدر مسعود پزشکیان نے حلف برداری کی تقریب سے خطاب کرتے ہوئے کہا کہ وقار، مصلحت کے اصولوں کی بنیاد پر دنیا کے ساتھ تعمیری و مثر روابط تلاش کریں گے۔
