انٹرنیشنل
بھارتی ریاست اندھرا پردیش میں ٹرک الٹنے سے 7 مزدور ہلاک
ٹرک میں ڈرائیور سمیت 9 افراد سوار ' جو مزدوری کرتے تھے، ٹرک میں خشک میوہ جات تھے اور مزدور خشک میوہ جات کی بوریوں کے نیچے آکر دم گھٹنے سے ہلاک ہوئے
آندھرا پردیش (مانیٹرنگ ڈیسک) بھارتی ریاست آندھرا پردیش میں ٹرک الٹنے سے 7 مزدور ہلاک ہوگئے جبکہ 2 افراد زخمی ہیں جن کو فوری طبی امداد کے لئے مقامی اسپتال منتقل کر دیا گیا ہے۔
انٹرنیشنل میڈیا کے مطابق واقعہ ریاست آندھرا پردیش کے ضلع گوڈا واڑھی میں پیش آیا جہاں ایک ٹرک ڈرائیور کے کنٹرول سے نکل جانے کے باعث الٹ گیا جس کے نتیجے میں 7 افراد ہلاک جب کہ 2 زخمی ہوگئے۔ میڈیا کے مطابق پولیس کا بتانا تھا کہ ٹرک میں ڈرائیور سمیت 9 افراد سوار تھے جو مزدوری کرتے تھے، ٹرک میں خشک میوہ جات تھے اور ممکنہ طور پر ٹرک الٹنے کے بعد مزدور خشک میوہ جات کی بوریوں کے نیچے آکر دم گھٹنے سے ہلاک ہوئے۔ پولیس کے مطابق واقعے کے بعد ہلاک اور زخمی افراد کو اسپتال منتقل کردیا گیا ہے جب کہ ٹرک ڈرائیور موقع سے فرار ہونے میں کامیاب ہوگیا۔
