دیوالی سے قبل ہی بھارتی حکومت نے بڑی پابندی عائد کردی، ملک بھر میں افسردگی کا ماحول

نئی دہلی (مانیٹرنگ ڈیسک) دیوالی سے قبل ہی بھارتی حکومت نے بڑی پابندی عائد کر دی ہے جس کے بعد ملک بھر میں افسردگی کا ماحول ہے اور شہری حکومت کیلئے شدید غم و غصہ میں دکھائی دے رہے ہیں۔

انٹرنیشنل میڈیا کے مطابق دہلی پلوشن کنٹرول کمیٹی کی جانب سے جاری کردہ بیان میں کہا گیا ہے کہ آتش بازی کے سامان کی تیاری، اسے ذخیرہ کرنے ، فروخت کرنے اور استعمال کرنے پر مکمل پابندی ہوگی اور یہ کہ اس حکم کا مقصد آلودگی کی سطح کو کم کرنا ہے۔ یہ پابندی ایسے وقت میں عائد کی گئی ہے جب دو ہفتے بعد یکم نومبر کو دیوالی کا تہوار منایا جانا ہے اور آتشبازی اس تہوار کا اہم حصہ سمجھی جاتی ہے۔ انٹرنیشنل میڈیا کے مطابق گزشتہ برسوں میں آتشبازی پر مختلف پابندیاں لگائی جاتی رہی ہیں لیکن ان پر عملدرآمد نہ ہونے کے برابر رہا اور پولیس اکثر مذہبی جذبات کا خیال کرتے ہوئے خلاف ورزی کرنے والوں کے خلاف کارروائی کرنے سے گریز کرتی ہے۔