مسلمان ووٹرزکی حمایت،کملا ہیرس اورڈونلڈ ٹرمپ کو تا حال ناکامی کا سامنا

نیو یارک(ویب ڈیسک )مسلمان ووٹرزکی حمایت،کملا ہیرس اورڈونلڈ ٹرمپ کو تا حال ناکامی کا سامنا، امریکی صدارت اور کانگریس کے انتخابات میں 10 روز سےبھی کم وقت رہ گیا ہے اورمسلمان ووٹرزکا کہنا ہےکہ امریکی حمایت اور امداد سے اسرائیل کی غزہ اور لبنان میں تباہی کے باوجود ڈونلڈ ٹرمپ اورکملا ہیرس مسلمان ووٹرزکی حمایت کیلئے بھاگ دوڑ کر رہے ہیں۔ غیرملکی میڈیا کےمطابق امریکی صدارت کے لئے ڈیمو کریٹ امیدوارکملا ہیرس اور ری پبلکن امیدوار ڈونلڈ ٹرمپ کے درمیان امریکی ووٹرز میں عوامی مقبولیت کا تازہ گراف بھی یکساں طور پر 48فی صد اور48فی صد پر آگیا ہے۔
تازہ ترین سروے دونوں امیدواروں کی یکساں مقبولیت سخت مقابلہ اور غیر یقینی نتیجہ کی غماز ی کررہا ہے، جیت اور ہار کے نتائج بارے ا±ن سات امریکی ریاستوں پر توجہ مرکوز ہے جنہیں اصل میدان جنگ (Battlegground)اور غیر یقینی (Swing) سیٹٹس کا نام دیا گیا ہے جن میں پنسلوینیا، مشی گن، ایری زونا ، وسکانسن، جارجیا، نارتھ کیر ولینا اور نیواڈا شامل ہیں۔
مجموعی طورپر 93 الیکٹورل ووٹوں کیلئےدونوں صدارتی امیدواروں کےدرمیان سخت انتخابی مقابلہ ہوگا۔ جو صدارتی امیدوار جس ریا ست میں عوامی ووٹوں کی اکثریت حاصل کرے گا اس کو مذکورہ ریاست کےطےشاہ تمام الیکٹورل ووٹ حاصل ہو جائیں گے اورامریکا بھرمیں 270 الیکٹورل ووٹ حاصل کرنے والا امیدوارمنتخب امریکی صدرہوگا۔