جیت گیا تو غیرملکیوں کو نکال باہرکروں گا،ڈونلڈٹرمپ کا اعلان

نیویارک (ویب ڈیسک) )امریکی صدارتی امیدوارڈونلڈ ٹرمپ کا کہنا ہےکہ صدارتی انتخاب جیتنے کےبعد بغیردستاویزات امریکا آنےوالوں کوڈی پورٹ کردوں گا۔ امریکی ٹی وی کو انٹرویو میں ریپبلکن پارٹی کےصدارتی امیدوارڈونلڈ ٹرمپ نے کہا کہ ان کی مخالف امیدواراورنائب صدرکملا ہیرس میکسیکوکی سرحد سے آنےوالےمہاجرین کی بڑی تعداد کوروکنے کے حوالےسےکمزور ثابت ہوئی ہیں۔ صدرمنتخب ہونےپربغیردستاویزات امریکا آنےوالوں کو ڈی پورٹ کردوں گا۔

ڈونلڈ ٹرمپ کا مزید کہنا تھا کہ کملا ہیرس اس امیگریشن بل کی حمایت کرتی ہیں جسے میں نےریبپلکن پارٹی کو ختم کرنےکو کہا تھا۔ سرحدوں پرغیرقانونی طریقوں سےامریکا آنےکی کوشش کرنے والوں کو روکنے کےلیےہم سخت اقدامات کریں گے۔

امریکی صدارتی انتخاب میں آج ووٹنگ ہو رہی ہے جس میں ڈونلڈ ٹرمپ اور ڈیموکریٹک امیدوار کملا ہیرس کے درمیان سخت مقابلے کی توقع ہے۔ امریکی ریاست ایریزونا اور نیواڈا ان 7 ریاستوں میں شامل ہیں جو کہ آج ہونے والے صدارتی انتخاب کے نتیجے پر بہت اثرا انداز ہوں گی۔ امریکا کی 50 میں سے باقی 43 ریاستوں میں دونوں امیدواروں کو ایک دوسرے پر واضح سبقت حاصل ہے۔