امریکن ارکان کانگریس کا صدر جوبائیڈن کو خط، عمران خان کی رہائی کا مطالبہ

امریکا (مانیٹرنگ ڈیسک) امریکا کے ارکان کانگریس نے صدر جوبائیڈن کو خط لکھا ہے جس میں انہوں نے پاکستان تحریک انصاف کے بانی عمران خان کی رہائی کا مطالبہ کیا ہے۔

انٹرنیشنل میڈیا کے مطابق امریکی ارکان کانگریس نے خط میں پاکستان میں انسانی حقوق سے متعلق ایوان نمایندگان کی قرارداد پراقدامات کرنیکی اپیل کی ہے اور کہا گیا ہے کہ بانی پی ٹی آئی دیگرسیاسی قیدیوں کی رہائی کیلئے ہنگامی بنیاد پر وکالت کی جائے۔ خط کے متن میں کہا گیا ہے کہ یواین ورکنگ گروپ کی رپورٹ کی روشنی میں بانی پی ٹی آئی اور دیگرسیاسی قیدیوں کی حفاظت یقینی بنائی جائے۔

خط کے متن کے مطابق پاکستان میں2024کے ناقص الیکشن کے بعد انسانی حقوق پامال کیے گئے، پاکستان کی اہم سیاسی جماعت پی ٹی آئی کوانتخابات سے دور رکھنے کی کوشش کی گئی، مختلف حربوں کے باوجود پی ٹی آئی امیدواروں نے آزاد حیثیت میں کامیابی حاصل کی۔ خط میں کہا گیا ہے کہ الیکشن میں خدشات سے متعلق رپورٹس کو حکومت نے شائع ہونے سے روکا، بانی سمیت دیگر رہنماں کو مسلسل پابند سلاسل رکھنا سب سے زیادہ تشویشناک ہے۔ پی ٹی آئی کے سوشل میڈیا اکاؤنٹ پر شائع خط پر 46ارکان کانگریس کے دستخط ہیں۔