برطانیہ نے امریکہ اور کینیڈا سمیت متعدد ملکو ں کی انٹری پر پابندی لگا دی

برطانیہ (مانیٹرنگ ڈیسک) برطانیہ نے اپنی ویزا پالیسی میں سختی کرتے ہوئے امریکہ اور کینیڈا سمیت متعدد ملکوں کی انٹری پر پابندی لگا کر دنیا بھر میں ایک نئی بحث کا آغاز کر دیا ہے۔

انٹرنیشنل رپورٹ کے مطابق اب بین الاقوامی مسافروں کو برطانیہ یا یورپی یونین کے بہت سے ممالک کی سرزمین پر قدم رکھنے سے پہلے آن لائن اجازت نامہ حاصل کرنا ہوگا اور اس کے لیے انھیں خود کو رجسٹر کرانے کی ضرورت ہوگی۔ اسی طرح برطانیہ چاہے منزل نہ بھی ہوتو لاکھوں مسافروں کو صرف ٹرانزٹ کے لئے بھی پہلے آن لائن اجازت کے لیے اندراج کرنے کی ضرورت ہو گی ۔8 جنوری سنہ 2025 سے امریکا، کینیڈا، آسٹریلیا اور دیگر غیر یورپی ممالک کے زائرین جنھیں فی الحال برطانیہ میں مختصر قیام کے لیے ویزے کی ضرورت نہیں ہے اب ان کو بھی برطانیہ میں داخلے کے لیے الیکٹرانک ٹریول اتھارٹی (ای ٹی اے) حاصل کرنے کی ضرورت ہو گی۔

میڈیا نے بتایا ہے کہ ای ٹی اے حاصل کرنے کے لیے مسافروں کو ایک آن لائن فارم بھرنا ہوگا اور انھیں اس کے لیے دس پانڈ یا تقریبا پونے تیرہ امریکی ڈالر فیس کے طور پر ادا کرنا ہو گی۔ درخواست دہندگان کو چند گھنٹوں میں پتہ چل جائے گا کہ آیا انھیں اجازت ملی ہے یا نہیں، لیکن کچھ معاملوں میں منظوری کے فیصلے میں تین کاروباری دن بھی لگ سکتے ہیں۔ یہ اجازت نامہ انھیں برطانیہ میں چھ ماہ تک کے قیام کے لیے متعدد بار داخلے کے لیے کافی ہوگا اور یہ دو سال کی مدت کے لیے یا مسافر کے پاسپورٹ کی میعاد ختم ہونے جو بھی پہلے ہوں اس وقت تک قابل عمل ہوگا۔ نیا اجازت نامہ صرف غیر یورپی باشندوں کے لیے نہیں ہے بلکہ یہ دو اپریل سنہ 2025 سے یورپی یونین کے شہریوں کے لیے بھی برطانیہ میں داخل ہونے سے پہلے ضروری ہو گا۔