انٹرنیشنل
مدینہ منورہ میں موسلا دھار بارش، صحرائی علاقے بھی زیر آب آگئے
بارش کے باعث مدینہ منورہ ریجن میں سردی کی شدت میں اضافہ ہوگیا 'جدہ اور مکہ مکرمہ میں بھی موسلادھار بارش کے حوالے سے ریڈ الرٹ جاری کر رکھا ہے: محکمہ موسمیات
مدینہ منورہ (مانیٹرنگ ڈیسک) مدینہ منورہ اور اس کے اردگرد کے علاقوں میں گرج چمک کے ساتھ موسلا دھار بارش ہوئی جس کی وجہ سے صحرائی علاقے بھی زیر آب آگئے ہیں۔
انٹرنیشنل میڈیا کے مطابق مسجد نبوی ۖ میں بھی باران رحمت خوب جم کر برسی، زائرین نے بارش کے دوران اللہ کے حضور دعائیں مانگیں۔بارش کے باعث مدینہ منورہ ریجن میں سردی کی شدت میں اضافہ ہوگیا ہے۔محکمہ موسمیات نے جدہ اور مکہ مکرمہ میں بھی موسلادھار بارش کے حوالے سے ریڈ الرٹ جاری کر رکھا ہے۔
