امریکہ نے شام پر عائد پابندیوں میں نرمی کس کے کہنے پر کیں؟ ملک کا نام سامنے آگیا

شام (مانیٹرنگ ڈیسک) امریکہ نے شام پر عائد پابندیوں میں نرمی کس کے کہنے پر کیں؟ اس حوالے سے ملک کا نام سامنے آنے کے بعد پورے یورپی ممالک میں تشویش کی لہر دوڑ گئی ہے۔

انٹرنیشنل میڈیا کے مطابق امریکہ نے سعودی عرب کے کہنے پر شام کی عبوری حکومت پر لگائی گئی کچھ پابندیوں میں نرمی کر دی ہے تاکہ نئی انتظامیہ کو بشارالاسد کی معزولی کے بعد انسانی امداد کی اجازت دی جا سکے۔ امریکی محکمہ خزانہ نے چھ ماہ تک جاری رہنے والا ایک عام لائسنس جاری کیا ہے جس کے تحت شامی حکومت کے ساتھ کچھ لین دین کی اجازت دی گئی۔ اس لین دین میں توانائی کی فروخت بھی شامل ہیں۔ اس اقدام سے دس سال سے زائد عرصے سے اپوزیشن کو کچلنے کے بعد لگائی گئی امریکی پابندیاں ختم نہیں ہوں گی، لیکن یہ نئی عبوری حکومت کے لیے امریکی حمایت کی محدود پیشکش کی طرف اشارہ کرتا ہے۔

محکمہ خزانہ نے ایک بیان میں کہا ہے عام اجازت امریکہ کی اس بات کو یقینی بنانے کے عزم کی نشاندہی کرتی ہے کہ اس کی پابندیاں "بنیادی انسانی ضروریات کو پورا کرنے والی سرگرمیوں میں رکاوٹ نہیں بنتی ہیں۔ نائب وزیر خزانہ والی اڈیمو نے کہا کہ ان کا محکمہ شام میں انسانی امداد اور ذمہ دار حکومت کی حمایت جاری رکھے گا۔ اسد کی معزولی کے بعد سے ملک کے نئے ڈی فیکٹو حکام کے نمائندوں نے کہا ہے کہ نیا شام جامع اور دنیا کے لیے کھلے پن کا مظاہرہ کرے گا۔