غزہ میں تباہ شدہ عمارتوں کا ملبہ صاف کرنے میں کتنا وقت لگے گا ،اقوام متحدہ نے بتا دیا

غزہ(مانیٹرنگ ڈیسک )غیر ملکی میڈیا کے مطابق اقوامِ متحدہ نے کہا ہے کہ اسرائیلی حملوں کے نتیجے میں غزہ کے اندر تباہ ہونے والی عمارتوں اور دیگر انفرا اسٹرکچر کے 5کروڑ ٹن ملبے کو صاف کرنے میں 21 سال کا عرصہ لگ سکتا ہے اور 12 ارب ڈالرز کی رقم خرچ ہو سکتی ہے۔

دوسری طرف اسرائیلی بم باری سے تباہ شدہ عمارتوں کے ملبے سے فلسطینی شہدا کی لاشوں کے ملنے کا سلسلہ بھی جاری ہے۔اب تک 200 سے زیادہ لاشیں برآمد کی جا چکی ہیں جبکہ مزید 10 ہزار سے زائد لاشیں ملبے کے نیچے دبے ہونے کا خدشہ ظاہر کیا گیا ہے۔