سرکاری ملازمین خود ہی نوکری چھوڑ دیں تو اچھا ورنہ ……ٹرمپ کی دھمکی، ملازمین پریشان

واشنگٹن (مانیٹرنگ ڈیسک) سرکاری ملازمین خود ہی نوکریں چھوڑ دیں تو اچھا ہے ورنہ ………… امریکہ کے صدر ڈونلڈ ٹرمپ کی دھمکی کے بعد ملازمین پریشان ہو کر رہ گئے ہیں۔

انٹرنیشنل میڈیا کے مطابق صدر ٹرمپ کی انتظامیہ کی جانب سے وفاقی سرکاری ملازمین کو موصول ہونے والے والی ای میل میں انہیں نوکری چھوڑنے کے بدلے گھر بیٹھے 8 ماہ کی تنخواہ دینے کی آفر کی گئی ہے۔ رپورٹ کے مطابق ای میل میں کہا گیا کہ رضاکارانہ استعفے کے بدلے 8 ماہ کی تنخواہ کی آفر 6 فروری تک ہے، جو ملازمین یہ آفر لینا چاہتے ہیں وہ اس ای میل کے جواب میں استعفیٰ (Resign)لکھ کر بھیج دیں۔ میڈیا کا کہنا ہے کہ ٹرمپ انتظامیہ کا اندازہ ہے کہ 10 فیصد وفاقی ملازمین حکومت کی آفر کو قبول کرسکتے ہیں جو تقریبا 2 لاکھ ملازمین بنتے ہیں جس سے حکومت کو تقریبا 100 ارب ڈالر کی بچت ہوگی۔