ٹرمپ کا دورہ سعودی عرب کا اعلان، کونسی ڈیل ہونیوالی ہے؟

امریکہ (مانیٹرنگ ڈیسک) امریکہ کے صدر ڈونلڈ ٹرمپ نے سعودی عرب کے دورہ کا اعلان کر دیا ہے، اس دورے کے دوران کونسی بڑی ڈیل ہونے والی ہے؟ تفصیلات منظر عام پر آگئی ہیں۔

انٹرنیشنل میڈیا کے مطابق امریکی صدر ڈونلڈ ٹرمپ نے کہا ہے کہ وہ اگلے ایک، ڈیڑھ ماہ میں ایک ٹریلین کی بزنس ڈیل کے لیے سعودی عرب کا دورہ کریں گے۔ صدر ڈونلڈ ٹرمپ کا کہنا تھا سعودی عرب سے کہا کہ امریکی کمپنیوں میں ایک ٹریلین ڈالر (ایک ہزار ارب ڈالر) سرمایہ کاری کریں تو میں آؤں گا۔ انہوں نے کہا کہ سعودی عرب ایسا کرنے پر راضی ہوگیا ہے اور وہ امریکی کمپنیوں میں سرمایہ کاری کرے گا اس لیے ممکنہ طورپر ڈیڑھ ماہ میں سعودی عرب جا رہاہوں۔ ٹرمپ نے کہ سعودی عرب کیساتھ اچھے تعلقات ہیں، سعودی عرب فوجی ساز و سامان سمیت دوسری چیزوں کی خریداری کے لیے امریکی کمپنیوں کوبہت زیادہ رقم ادا کرنے جا رہاہے۔