روس یوکرین جنگ، پیوٹن کا ایسٹر کے موقع پر بڑا اعلان

روس (مانیٹرنگ ڈیسک) روس اور یوکرین کے درمیان جاری جنگ کے حوالے سے روسی صدر ولادیمیرپیوٹن نے ایسٹر کے موقع پر بڑا اعلان کر دیا جس کے بعد مخالفین بھی ہکا بکا رہ گئے ہیں۔

انٹرنیشنل میڈیا کے مطابق روسی صدارتی دفتر کریملن کا کہنا ہے کہ روس 19 اپریل شام 6 بجے سے 21 اپریل رات 12 بجے تک جنگ بندی پر عمل کریگا۔ کریملن کا کہنا ہے کہ ہم یوکرین کی جانب سے بھی جنگ بندی پر عمل کی امید رکھتے ہیں، روسی فوج یوکرین کی جانب سے جنگ بندی کی کسی بھی خلاف ورزی کا بھرپور جواب دے گی۔ ان کا کہنا تھا کہ یوکرین تنازع کے منصفانہ حل کے لیے امریکا، چین اور دیگر ممالک کی خواہش کا خیرمقدم کرتے ہیں۔ روسی صدر کا کہنا ہے کہ عارضی جنگ بندی کے دوران یوکرین کا رویہ امن معاہدے کے لیے یوکرین کی سنجیدگی ظاہر کرے گا، روس ہمیشہ سے امن بات چیت کے لیے تیار رہا ہے۔ دوسری جانب امریکا نے یورپی رہنماؤں کے ساتھ ایک نئی امن تجویز پیش کی ہے جس کا مقصد روس اور یوکرین کے درمیان جنگ بندی اور بالآخر جنگ کا خاتمہ ہے۔