جماعت الاخوان المسلمین پر پابندی عائد، فوری نافذ العمل کا حکم

عمان (مانیٹرنگ ڈیسک) اردن نے جماعت الاخوان المسلمین پر پابندی عائد کرتے ہوئے اس پر فوری نافذ العمل کرنے کا حکم بھی دے دیا ہے جس کے بعد ان کیلئے بڑا مسئلہ بن گیا ہے۔

انٹرنیشنل میڈیا کے مطابق اردن کے وزیر داخلہ مازن عبداللہ کا کہنا ہے کہ اخوان المسلمیون پر عائد پابندی فوری طور پر نافذ العمل ہوگی۔ وزیر داخلہ نے بتایا کہ اخوان المسلمین کے اثاثے، دفاتر اور بینک اکاؤنٹس منجمد کردیے گئے جبکہ اردن میں اخوان المسلمین کے دفاتر اور مراکز کا گھیراؤ کرلیا گیا ہے۔ مازن عبداللہ کا کہنا تھا کہ پابندی کا اطلاق اخوان المسلمین سے وابستہ تمام تنظیموں اور اداروں پربھی ہوگا۔

مازن عبداللہ نے بتایا کہ ملک کے خلاف سازش کی منصوبہ بندی کے الزام میں 16 افراد زیرحراست ہیں جنہوں نے جماعت الاخوان المسلمین سے وابستگی کا اعتراف کیا ہے۔ انہوں نے کہا کہ اخوان المسلمین کی سوچ اور فکر کی ترویج ملکی دشمنی کے مترادف ہے، دہشت گردی پھیلانے کی سازش میں اخوان المسلمین کے ملوث ہونے کے پختہ شواہد ملے ہیں۔