شیخ طحنون کی روتھ پوراٹ سے ملاقات، اہم امور پر تبادلہ خیال

ابو ظہبی(ماینٹرنگ ڈیسک) ابوظہبی کے نائب حکمران شیخ طحنون بن زاید آلنہیان کی امریکی انفارمیشن ٹیکنالوجی گروپ گوگل کی سی ای اوروتھ پوراٹ سے ملاقات ‘ اہم امور پر تبادلہ خیال بھی کیا گیا۔

انٹرنیشنل میڈیا کے مطابق دونوں رہنمائوں کے درمیان ہونے والی ملاقات میں ٹیکنالوجی اور مصنوعی ذہانت کے شعبے میں تعاون کو فروغ دینے کے لیے ہوئی۔ شیخ طحنون نے ملاقات میں متحدہ عرب امارات کے ڈیجیٹل منصوبوں سے آگاہ کیا جن میں 2027ء تک ابوظبی حکومت کو مکمل طور پر آرٹیفیشل انٹیلی جنس (مصنوعی ذہانت) پر منتقل کرنے کا عزم ظاہر کیا۔

شیخ طحنون نے کہا کہ ہم نے جدید ٹیکنالوجیز اور مصنوعی ذہانت کے شعبوں میں تعاون کو مزید وسعت دینے پر تبادلہ خیال کیا جو متحدہ عرب امارات کی عالمی قیادت کے عزم کا حصہ ہے۔ روتھ پوراٹ نے متحدہ عرب امارات کی کوششوں کی تعریف کی، جو جدید ٹیکنالوجیز کے ذریعے پائیدار ترقی کو ممکن بنانے کے لیے کی جا رہی ہیں۔ یہ ملاقات ایسے وقت میں ہوئی جب متحدہ عرب امارات اور امریکا چِپس کی برآمدات پر نئی پالیسی کے تناظر میں مصنوعی ذہانت کے شعبے میں تعاون کو بڑھانے پر کام کر رہے ہیں۔ شیخ طحنون نے آرٹیفیشل انٹیلی جنس اور کمپیوٹیشنل انفراسٹرکچر کے میدان میں مشترکہ مواقع پر بھی تبادلہ خیال کیا جس کے بارے میں دعویٰ کیا جارہا ہے کہ نئی ٹیکنالوجی عالمی سطح پر ترقی اور معیارِ زندگی کو بہتر بنانے میں مدد فراہم کرے گی۔