ٹرمپ کا ایران کیساتھ معاہدے کا عندیہ، تیل کی قیمتوں میں نمایاں کمی کا امکان

ایران (مانیٹرنگ ڈیسک)امریکا کے صدر ڈونلڈ ٹرمپ کا ایران کے ساتھ معاہدے کے عندیہ کے بعد عالمی منڈیوں میں تیل کی قیمتوں میں نمایاں کمی کا امکان ظاہر کیا جا رہا ہے۔

انٹرنیشنل میڈیا کے مطابق ٹرمپ کے ایران سے جوہری معاہدے کے عندیے کے بعد عالمی منڈی میں تیل کی قیمتوں میں نمایاں کمی دیکھی جارہی ہے۔ عالمی منڈی میں تیل کی قیمت میں 2 فیصد سے زائدکمی ہوئی ہے۔برطانوی خام تیل برینٹ آئل64 ڈالر اور امریکی خام تیل ڈبلیو ٹی آئی 62 ڈالرکی سطح پر آگیا ہے۔ عالمی گیس کی قیمت معمولی کمی کے ساتھ 3 ڈالرز 45 سینٹ فی ایم ایم بی ٹی یو میں فروخت ہو رہی ہے۔