امریکی بی۔ٹو جنگی طیاروں نے ایران پر حملے کرنے کے لئے کس ملک کی فضائی حدود استعمال کیں ؟ہوشربا حقائق منظرعام پر آگئے

واشبگٹن(ویب ڈیسک)امریکی بی۔ٹو جنگی طیاروں نے ایران پر حملے کرنے کے لئے کس ملک کی فضائی حدود استعمال کیں ؟ہوشربا حقائق منظرعام پر آگئے،رپورٹس کے مطابق امریکی بی-ٹو بمبار طیاروں نے ایران پر حملے کے لیے بھارتی فضائی حدود استعمال کیں۔رپورٹ کے مطابق ذرائع نے کہا کہ امریکی فضائیہ کے اسٹریٹجک بی-ٹو اسٹیلتھ بمبار طیاروں نے اسلامی جمہوریہ ایران کے ایٹمی تنصیبات پر حملے کے لیے بھارتی فضائی حدود استعمال کیں۔

ذرائع کا کہنا ہے کہ یہ طیارے امریکی جزیرے گوام (15 شمال، 145 مشرق) سے روانہ ہوئے اور مغرب کی جانب بحرِ انڈمان (10 شمال، 95-100 مشرق) سے ہوتے ہوئے وسطی بھارت (20 شمال، 75-80 مشرق) کی فضائی حدود عبور کر کے بحیرہ عرب کے راستے ایران کی سرحد کے نزدیک (25-30 شمال، 60-65 مشرق) پہنچے۔
یہ پیش رفت ایسے وقت میں سامنے آئی ہے جب کہ مشرق وسطی میں ایران، اسرائیل اور امریکا کے درمیان کشیدگی عروج پر ہے اور امریکی حملے سے خطے میں مزید کشیدگی بڑھنے کا خدشہ ہے۔تجزیہ کار اس انکشاف کو خطے میں بھارت کے ممکنہ اسٹریٹجک کردار کی علامت قرار دے رہے ہیں۔