بیٹی کوروکنے پر باپ قتل، ماں، بیٹی آشنا سمیت گرفتار

حیدر آباد(مانیٹرنگ ڈیسک) بھارتی شہر حیدر آباد میں افسوسناک واقعہ پیش آیا جس میں ماں بیٹی نے آشنا کے ساتھ مل کر گھر کے سربراہ یعنی باپ کو ہی قتل کر ڈالا، تینوں ملزمان کو گرفتار کرلیا گیا۔

انٹرنیشنل میڈیا کے مطابق پولیس نے بتایا ہے کہ مقتول لنگم اور اس کی بیوی وڈلوری شردھا نوکری پیشہ تھے جو کم معاوضے کی ملازمت کرتے تھے، ان کی بیٹی منیشا اپنے شوہر سے علیحدگی اختیار کر چکی تھی اور اس کی اپنے دوست حسین کے ساتھ دوستی تھی۔پولیس نے مزید بتایا کہ بیٹی نے دوپہر کے وقت اپنے باپ کو نیند کی گولیاں دیں اور پھر آشنا کے ساتھ مل کر دونوں ماں بیٹی نے پہلے اس کا سانس بند کیا اور پھر رسی کی مدد سے گلا گھونٹ دیا۔پولیس کے مطابق میاں بیوی کے درمیان جھگڑا بھی بیٹی منیشا کی آشنا سے دوستی کو لے کر ہوا جو اس قدربڑھ گیا کہ شوہر کی موت کی وجہ بن گیا۔ پولیس کا کہنا ہے کہ دریا کے قریب موجود لوگوں نے پولیس کو واقعے کی اطلاع دی جس پر کارروائی کرتے ہوئے تینوں ملزمان کو گرفتار کرلیا گیا۔ رپورٹس کے مطابق قتل کرنے کے بعد تینوں تھیٹر میں فلم دیکھنے گئے جس سے متاثر ہوکر انہوں نے لاش کو ٹھکانے لگانے کا بندوبست کیا اور لاش کو دریا میں لے جا کر پھینک دیا۔