ایران کیخلاف جنگ، اسرائیلی وزیراعظم جادو، ٹونے پر اتر آئے

ایران (مانیٹرنگ ڈیسک) ایران کے خلاف جنگ میں اسرائیلی وزیراعظم نیتن یاہو نے جادو، ٹونے اور جنات کا سہارہ لیا، ایران کے معروف صحافی اور پاسداران انقلاب کے ترجمان کا سنسنی خیز انکشاف۔

انٹرنیشنل میڈیا کے مطابق ایران کے معروف صحافی اور پاسدارانِ انقلاب کے ترجمان اخبار ”جوان” کے سابق ایڈیٹر عبداللہ گنجی نے دعویٰ کیا ہے کہ حالیہ اسرائیل-ایران جنگ کے دوران اسرائیلی وزیراعظم بنیامین نیتن یاہو نے مبینہ طور پر جادو ٹونے، جنات اور مافوق الفطرت ارواح کی مدد حاصل کی۔ان کا کہنا تھا کہ جنگ کے دوران تہران کی سڑکوں پر یہودی علامتوں والے تعویذ اور عجیب و غریب کاغذی ٹکڑے ملے، جنہیں ممکنہ طور پر روحانی حملوں کے لیے استعمال کیا گیا۔ انہوں نے دعوی کیا کہ غزہ جنگ کے آغاز کے وقت ایسی اطلاعات بھی لیک ہوئیں جن کے مطابق نیتن یاہو کی ملاقات بعض جادوئی ماہرین سے ہوئی تھی۔