اسرائیلی وزیراعظم نتین یاہو کا اقتدار خطرے میں پڑ گیا

اسرائیل (مانیٹرنگ ڈیسک) اسرائیلی وزیراعظم نیتن یاہو کا اقتدار خطرے میں پڑ گیا ہے ‘ اسرائیل میں مذہبی تعلیمی اداروں کے طلبہ کو فوجی خدمات سے مستثنیٰ قرار دینے کا قانون نہ بنانے پر تنازع شدت اختیار کرگیا۔

انٹرنیشنل میڈیا کے مطابق الٹرا آرتھوڈوکس جماعت یو ٹی جے کے بعد شاس کا بھی حکومتی اتحاد سے علیحدہ ہونے کا امکان بڑھ گیا۔ میڈیا نے دعویٰ کیا کہ شاس پارٹی جمعرات کو حکومتی اتحاد سے علیحدگی اختیار کرلے گی تاہم پارٹی کے ترجمان نے اس حوالے سے کہا کہ وہ اب بھی اپنی قیادت ”کونسل آف توراہ سیجز” کی ہدایات کی منتظر ہے۔ میڈیا کے مطابق شاس کی مذہبی قیادت کا اجلاس بدھ یا جمعرات کو متوقع ہے جس کے بعد حکومت سے علیحدگی کا حتمی فیصلہ کیا جائے گا۔