امریکی صدر ڈونلڈ ٹرمپ کے دورہ پاکستان کی میڈیا اطلاعات کی تردید
خبریں سامنے آئی تھیں کہ امریکی صدر ڈونلڈ ٹرمپ 18 ستمبر کو پاکستان کے دورے پر اسلام آباد پہنچیں گے جس کے دوران وہ پاکستان کی سیاسی و عسکری قیادت سے ملاقاتیں کریں گے
واشنگٹن(ویب ڈیسک)وائٹ ہاوس نے امریکی صدر ڈونلڈ ٹرمپ کے دورہ پاکستان کی میڈیا اطلاعات کی تردید کر دی۔وائٹ ہاوس حکام کا کہنا ہے کہ صدر ٹرمپ کا اس وقت پاکستان کے دورے کا کوئی شیڈول نہیں ہے۔اس حوالے سے یہ خبریں سامنے آئی تھیں کہ امریکی صدر ڈونلڈ ٹرمپ 18 ستمبر کو پاکستان کے دورے پر اسلام آباد پہنچیں گے جس کے دوران وہ پاکستان کی سیاسی و عسکری قیادت سے ملاقاتیں کریں گے۔دفترِ خارجہ پاکستان کے ترجمان شفقت علی کا اس حوالے سے کہنا تھا کہ امریکی صدر ڈونلڈ ٹرمپ کے دورہ پاکستان سے متعلق علم نہیں ہے۔
اس سلسلے میں برطانوی خبر رساں ایجنسی سے گفتگو میں امریکی سفارت خانے کے ترجمان نے کہا تھا کہ امریکا کے صدر ڈونلڈ ٹرمپ کے دورہ پاکستان کے شیڈول سے متعلق وائٹ ہاوس تصدیق فراہم کر سکتا ہے۔ترجمان امریکی سفارت خانہ کا کہنا تھا کہ ہمارے پاس اس سے متعلق اعلان کرنے کے لیے کچھ نہیں ہے۔خبر ایجنسی کے مطابق پاکستانی وزارتِ اطلاعات نے بھی اس سے متعلق کوئی تبصرہ نہیں کیا ہے۔
