تارکین وطن کی کشتی ڈوب گئی، کتنے ہلاک ہوئے؟

لیبیا (مانیٹرنگ ڈیسک) لیبیا کے مشرقی ساحلی علاقے میں تارکین وطن کی کشتی ڈوب گئی ہے کتنے تارکین وطن ہلاک ہوئے اور کتنے افراد لاپتا ہیں؟ اس حوالے سے افسوسناک رپورٹ آگئی ہے۔

انٹرنیشنل میڈیا کے مطابق بین الاقوامی ادارہ برائے مہاجرین نے بتایا کہ کشتی حادثے کے نتیجے میں 18 تارکین وطن ہلاک اور 50 لاپتا ہوگئے جبکہ 10 افراد کو بچالیا گیا۔ یہ واقعہ لیبیاکے شہر طبرق کے ساحلی علاقے میں پیش آیا، یہ ساحلی شہر مصر کی سرحد کے قریب واقع ہے۔ میڈیا کی رپورٹس کے مطابق لیبیا مہاجرین کے لیے یورپ جانے کی کوشش میں خطرناک سمندری سفر کرنے والوں کا بڑا مرکز بن چکا ہے ۔