کٹھمنڈو(مانیٹرنگ ڈیسک) نیپال میں رواں ہفتے ہونے والے حکومت مخالف احتجاج کے دوران 13 ہزار 500 قیدی جیلوں سے فرار ہونے کا انکشاف سامنے آیا ہے جو لمحہ فکریہ ہے۔
انٹرنیشنل میڈیا کے مطابق نیپالی پولیس کے ترجمان بینود گھمائرے نے بتایا کہ مظاہروں کے دوران 3 پولیس اہلکار ہلاک ہوئے اور ملک بھر کی جیلوں سے13 ہزار500 قیدی فرار ہوگئے ہیں۔ سوشل میڈیا پر گردش کرنے والی ویڈیوز میں دیکھا گیا کہ کٹھمنڈو کی دلی بازار جیل سے بڑی تعداد میں قیدی باہر نکل آئے جنہیں فوجی اہلکار قابو کرنے کی کوشش کر رہے تھے۔
انٹرنیشنل میڈیا کے مطابق نیپالی پولیس زیادہ تر جیلوں سے پیچھے ہٹ گئی ہے اور صرف پولیس ہیڈکوارٹر تک محدود ہے، صورتحال پر قابو پانے کے لیے بدھ کو نیپالی فوج نے کٹھمنڈو کی سڑکوں پر گشت کیا اور لاڈ اسپیکروں کے ذریعے کرفیو کے احکامات کا اعلان کیا۔ نیپالی فوج کے سربراہ جنرل اشوک راج سگڈیل نے تمام مظاہرین سے اپیل کی ہے کہ وہ احتجاج ختم کریں اور مذاکرات کا راستہ اختیار کریں۔
