انقرہ (مانیٹرنگ ڈیسک) ترکیہ کا اے سی 130فوجی کارگو طیارہ حادثے کا شکار ہونے کے باعث جارجیا میں گر کر تباہ ہوگیا ہے، تاہم جانی نقصان کے بارے میں تاحال کوئی اطلاع موصول نہیں ہوئی۔
انٹرنیشنل میڈیا کے مطابق وزارتِ دفاع نے بتایا کہ طیارہ آذربائیجان سے اڑان بھرنے کے بعد ترکیے واپس جا رہا تھا جب وہ جارجیا کی حدود میں گر کر تباہ ہوگیا۔ بیان میں کہا گیا ہے کہ جارجیا کے حکام کے تعاون سے سرچ اینڈ ریسکیو کارروائیاں جاری ہیں تاہم حادثے کی وجوہات یا جانی نقصان کے بارے میں تاحال کوئی تفصیلات فراہم نہیں کی گئیں۔
