برطانیہ (مانیٹرنگ ڈیسک) میئر لندن صادق نے ٹریفک فیس میں بڑی تبدیلیوں کا اعلان کر دیا ہے، یہ تبدیلیاں کونسی ہیں؟ اس حوالے سے تمام تر تفصیلات سامنے آنے پر شہری دنگ رہ گئے ہیں۔
انٹرنیشنل میڈیا کے مطابق صادق خان نے الیکٹرک گاڑیوں کیلئے مکمل رعایت ختم کردی جس کے باعث آج سے الیکٹرک گاڑیوں پر بھی کنجیشن چارج لاگو ہوگا۔ میڈیا نے بتایا کہ 2 جنوری 2026ء سے نیا رعایتی نظام نافذ ہوگا، رعایت کیلئے آٹو پے میں رجسٹریشن کو لازمی قرار دیا گیا ہے، جس کے تحت الیکٹرک کاروں کو 25 فیصد رعایت ملے گی جبکہ بڑی الیکٹرک وینز اور گاڑیوں کو 50 فیصد رعایت دی جائے گی۔ میڈیا کے مطابق روزانہ کنجیشن چارج 15 سے بڑھا کر 18 پاؤنڈ کر دیا گیا، دیر سے ادائیگی پر چارج 21 پانڈ تک ہوگا۔ اس حوالے سے میئر لندن صادق خان نے کہا کہ ٹریفک کم کرنا معیشت کے لیے ناگزیر ہے، کلینر وہیکل ڈسکانٹ ابتدا ہی سے عارضی تھا۔
