ہما چل پردیش (مانیٹرنگ ڈیسک) بھارت کی ریاست ہما چل پردیش میں خوفناک ٹریفک حادثہ پیش آیا جس کے باعث متعدد افراد ہلاک ہو گئے ہیں اور درجنوں زخمی بھی ہوئے ہیں۔
انٹرنیشنل میڈیا کے مطابق بھارت کی ریاست ہماچل پردیش کے ضلع سرمور میں یہ افسوسناک واقعہ پیش آیا جہاں مسافر بس کپوی سے شملہ جا رہی تھی کہ ہری پوردھر کے قریب پہاڑ سے کھائی میں جاگری۔ واقعے کی اطلاع ملتے ہی پولیس اور ریسکیو ٹیموں نے موقع پر پہنچ کر امدادی کارروائیاں شروع کیں۔ میڈیا رپورٹس کے مطابق حادثے کے نتیجے میں 8 افراد ہلاک اور متعدد زخمی ہوئے ہیں جنہیں فوری طبی امداد کیلئے اسپتال منتقل کردیا گیا ہے۔
