امریکا (مانیٹرنگ ڈیسک) امریکی ریاست روڈ آئی لینڈ میں آئس ہاکی میچ کے دوران فائرنگ سے حملہ آور سمیت تین افراد ہلاک اور تین شدید زخمی ہو گئے جبکہ زخمیوں کو طبی امداد کیلئے مقامی اسپتال منتقل کر دیا گیا ہے۔
انٹرنیشنل میڈیا کے مطابق پولیس نے خدشہ ظاہر کیا ہے حملہ آور نے خود کو بھی گولی ماری، فائرنگ کا واقعہ خاندانی جھگڑے کا نتیجہ ہوسکتا ہے۔ میڈیا کے مطابق حملہ آور نے آئس ہاکی ارینا میں اپنی بیوی اور دو بچوں پر فائرنگ کی، بیوی موقع پر ہلاک ہو گئی جبکہ دو بچے اسپتال میں زیر علاج ہیں، رپورٹس کے مطابق حملہ آور نے خود کو بھی گولی مار لی۔
