بس کھائی میں گرگئی،7 افراد جاں بحق

ہری پور(ویب ڈیسک) ہری پور کے علاقے خان پورمیں بس کھائی میں گرگئی جس کے نتیجے میں 7 افراد جاں بحق ہوگئے۔ ریسکیوحکام کے مطابق حادثہ خان پورکے پہاڑی علاقہ بگراں کے قریب پیش آیا جہاں بس کھائی میں گرگئی۔ حکام نے بتایاکہ حادثے میں  7 افراد جاں بحق ہوگئے جبکہ  خواتین سمیت 15 افراد زخمی ہوئے۔ ریسکیوحکام کا کہنا ہے کہ لاشوں اور زخمیوں کو خانپور اسپتال منتقل کیا جا رہا ہے۔