پاکستان
آرمی چیف کا ایرانی مسلح افواج کے چیف سے رابطہ،ہیلی کاپٹرحادثے پراظہارافسوس
آرمی چیف جنرل سید عاصم منیر نے ایرانی مسلح افواج کے چیف آف جنرل سٹاف سے ٹیلیفونک رابطہ کیا۔جس میں انہوں نے ہیلی کاپٹرحادثے پرافسوس کااظہارکیا
![army chief asim munir](https://i0.wp.com/www.khouj.com/wp-content/uploads/2024/05/army-chief-asim-munir.jpg?resize=663%2C388&ssl=1)
راولپنڈی (کھوج نیوز)آرمی چیف کا ایرانی مسلح افواج کے چیف سے رابطہ،ہیلی کاپٹرحادثے پراظہارافسوس ،آرمی چیف جنرل سید عاصم منیر نے ایرانی مسلح افواج کے چیف آف جنرل سٹاف سے ٹیلیفونک رابطہ کیا۔جس میں انہوں نے ہیلی کاپٹرحادثے پرافسوس کااظہارکیا۔ آئی ایس پی آر کے مطابق آرمی چیف جنرل عاصم منیر کا کہنا تھا کہ مرحوم ایرانی صدراوروزیرخارجہ پاکستان کےسچے دوست تھے،دونوں رہنماوں سمیت دیگر کےانتقال سےناقابل تلافی نقصان پہنچا،پاک فوج کے تمام رینکس مرحومین کےایصال ثواب کیلئے دعاگوہیں۔
آرمی چیف نے سوگوارخاندانوں کے لیے بھی نیک خواہشات کا اظہار کیا، آرمی چیف کا مزید کہنا تھا کہ پاکستان کے ایران کےساتھ تاریخی ،ثقافتی اوربرادرانہ تعلقات ہیں،پاکستان اور ایران کی مسلح افواج ہر موقع پر ایک ساتھ کھڑی ہے۔