آڈیو لیک کیس:وزیراعلیٰ خیبرپختونخوا پرفرد جرم کیلئے 5 جولائی کی تاریخ مقرر

اسلام آباد(کھوج نیوز)ڈسٹرکٹ اینڈ سیشن کورٹ اسلام آباد نےوزیراعلیٰ خیبرپختونخوا علی امین گنڈا پور کے خلاف آڈیو لیک کیس میں فرد جرم کیلئے 5 جولائی کی تاریخ مقرر کردی۔کھوج نیوز کےمطابق وزیراعلیٰ علی امین گنڈا پور کےخلاف آڈیو لیک کیس کی سماعت ایڈیشنل ڈسٹرکٹ اینڈ سیشن جج عبدالغفور کاکڑ نےکی ، سماعت کےآغازمیں علی امین گنڈاپورکی حاضری سےاستثنیٰ کی درخواست دائرکی گئی۔ جسےعدالت نے منظورکرلیا۔ عدالت نےعلی امین گنڈا پوراورشریک ملزم اسد خان پرفرد جرم کیلئے 5 جولائی کی تاریخ مقررکر دی۔ جس کےبعد عدالت نےآڈیو لیک کیس کی سماعت 5 جولائی تک ملتوی کردی۔