اٹک جیل کے باہر عمران خان کا استقبال کرنیوالے کارکنان گرفتار

اسلام آباد(بیورو چیف، مانیٹرنگ ڈیسک) اٹک جیل کے باہر چیئرمین تحریک انصاف عمران خان کا استقبال کرنے والے کارکنان کو گرفتار کرنے کی وجہ بھی سامنے آگئی ہے۔

تفصیلات کے مطابق ذرائع نے بتایا ہے کہ توشہ خانہ کیس میں عمران خان کی سزا معطلی کے ہائیکورٹ فیصلے کے بعد ان کے استقبال کیلئے کارکنان کی بڑی تعداد اٹک جیل کے باہر مٹھائی اور پھولوں کے ہار لے کر پہنچ گئے لیکن وہاں پر موجود محکمہ پولیس نے کارروائی کرتے ہوئے 9 کارکنوں کو گرفتار کرلیا ہے۔

واضح رہے کہ اسلام آباد ہائیکورٹ نے چیئرمین پی ٹی آئی عمران خان کی توشہ خانہ کیس میں سزا معطلی کی درخواست منظور کر لی ہے اور ضمانت پر رہائی کا حکم بھی دے دیا ہے۔چیئرمین پی ٹی آئی کی ضمانت پر رہائی کے لیے ایک لاکھ روپے کے مچلکے تیار ہیں۔بیرسٹر گوہر کے مطابق مچلکے جمع کرانے کے لیے مصدقہ نقل کے لئے اپلائی کر دیا ہے، عدالتی آرڈر کی مصدقہ نقل ملنے کے بعد ضمانتی مچلکے جمع کرائے جائیں گے۔