حکومت عوام کو ریلیف دینے کیلئے دن رات کوشاں، مہنگائی میں مزید کمی کی پیشگوئی

اسلام آباد(کھوج نیوز) حکومت عوام کو ریلیف دینے کے لئے دن رات کوشاں ہے جس کے نتائج سامنے آ رہے ہیں اور پیشگوئی کی جا رہی ہے کہ بہت جلد مہنگائی میں مزید کمی ہو گی۔

ذرائع نے بتایا ہے کہ ملک میں معاشی بحالی کے ثبوت ملنا شروع ہوگئے ہیں، مئی میں مہنگائی 13.5 سے 14.5 فیصد رہنے کا امکان ہے۔ کہا گیا کہ آئی ایم ایف کے ساتھ 3 سالہ نئے قرض پروگرام کے لیے باقاعدہ مذاکرات شروع کیے گئے، آئی ایم ایف قرض پروگرام مستحکم پالیسی کے لیے انتہائی اہم ہے، قرض پروگرام سے بیرونی سیکٹر مستحکم ہوگا۔ وزارت خزانہ نے کہا کہ آئی ایم ایف قرض سے سرمایہ کاری بڑھے گی، رواں سال زرعی شعبہ کی پیداوار 6.25فیصد رہی ہے، معاشی استحکام کے لیے پالیسیوں میں تسلسل لازمی ہے۔