عام انتخابات ‘ن لیگ کی جانب سے وزیراعظم اور وزیراعلیٰ کا امیدوار کون ہوگا؟

لاہور(کھوج نیوز) ملک بھر میں ہونے والے آئندہ انتخابات میں مسلم لیگ ن کی جانب سے وزیراعظم اور وزیراعلیٰ پنجاب کا امیدوار کون ہوگا؟ اس حوالہ سے اہم خبر سامنے آگئی ہے۔

ن لیگی ذرائع نے بتایا ہے کہ آئندہ انتخابات کے لئے پارٹی کی جانب سے وزیراعظم اور وزیراعلیٰ پنجاب کے امیدوار کا ابھی تک کوئی فیصلہ نہیں کیا گیا ہے ، اس بات کا فیصلہ جماعت کی پارلیمانی پارٹی کرے گی کہ ن لیگ کی طرف سے وزیراعظم اور وزیراعلیٰ پنجاب کا امیدوار کون ہوگا۔ ذرائع نے مزید بتایا ہے کہ اکثر و بیشتر پارلیمانی پارٹی جماعت کے قائد کو بتاتی ہے کہ آپ ہمارے وزیراعلیٰ یا وزیراعظم کے امیدوار ہوں گے لیکن ابھی تک تاحال ایسا کوئی فیصلہ نہیں کیا گیا ہے۔ ذرائع نے یہ بھی بتایا ہے کہ پارلیمانی پارٹی کے ہونے والے اجلاس میں نوازشریف بھی شریک ہوں گے اور اس بات کا فیصلہ اجلاس میں ہی کیا جائے گا۔