عمران خان کا شیر افضل مروت سے استعفیٰ کا مطالبہ، ردعمل بھی سامنے آگیا

اسلام آباد(کھوج نیوز) پاکستان تحریک انصاف کے بانی عمر ان خان نے شیر افضل مروت سے استعفیٰ مانگ لیا، پی ٹی آئی رہنماء نے کیا جواب دیا ؟ اس حوالے سے بڑی خبر سامنے آگئی ہے۔

تفصیلات کے مطابق پاکستان تحریک انصاف (پی ٹی آئی) کے رہنما شیر افضل مروت کا کہنا ہے کہ بانی پی ٹی آئی عمران خان نے اگر مجھ سے استعفیٰ مانگا تو میں باعزت طریقے سے استعفیٰ دے دوں گا کیونکہ وہ میرے لیڈر ہیں لیکن مجھے ایسی افواہوں پر یقین نہیں ہے اور نہ ہی میں کسی کے کہنے پر استعفیٰ دوں گا۔ ان کا کہنا تھا کہ جو رویہ میری جماعت نے میرے ساتھ رکھا میں اس کا حقدار نہیں تھا، اگر یہی سمجھا جاتا ہے میں سائیڈ لائن ہی ٹھیک ہوں تو سائیڈ لائن ہی رہوں گا ۔