میاں نوازشریف کی مودی کو تیسری بار وزیراعظم بننے پر مبارکباد

لاہور(کھوج نیوز) سابق وزیراعظم و مسلم لیگ (ن) کے صدر میاں نوازشریف نے نریندرمودی کو مسلسل تیسری بار وزیراعظم بننے پر مبارکباد دیتے ہوئے اہم پیغام جاری کر دیا ہے۔

تفصیلات کے مطابق سابق وزیراعظم میاں نوازشریف نے سوشل میڈیا پلیٹ فارم ایکس (ٹوئٹر) پر بھارتی وزیراعظم نریندرا مودی کو مسلسل تیسری بار وزیراعظم بننے پر گرمجوشی سے مبارکباد دیتے ہوئے کہا کہ الیکشن میں مسلسل تیسری بار کامیابی بھارتی عوام کے اعتماد کا اظہار ہے ۔ انہوں نے اس موقع پر کہا کہ آئیں ہم نفرت کو امید سے بدل کر اسے دو ارب انسانوں کی ترقی کا موقع بنائیں۔ دوسری جانب آج وزیر اعظم شہباز شریف نے بھی بھارتی وزیراعظم کو مبارکباد دی اور نیک تمناؤں کا اظہار کیا۔